Do t’ju duhet pak më shumë për të bërë këtë bukë të butë dhe të bërë në shtëpi, por na besoni se ia vlen shumë.

Brumi mbushet me djathë dhe lyhet me gjalpë me hudhër dhe majdanoz, transmeton portal arbresh.info

Buka e ngrohtë me djathë të shkrirë është një zgjedhje e shkëlqyeshme për një mëngjes apo darkë të shijshme.

Brumi

120ml qumësht të ngrohtë
1½ lugë çaji lëng limoni
80ml ujë të ngrohtë
1¼ lugë çaji maja të thatë
2 lugë sheqer
70 g gjalpë të shkrirë
1 vezë
1 lugë çaji kripë
¾ lugë çaji pluhur hudhre
390 g miell të lëmuar
250 g djathë cheddar të grirë

2 lugë gjalpë të shkrirë
2 lugë majdanoz
¼ lugë çaji pluhur hudhre

Përgatitja:

Përzieni qumështin e ngrohtë me lëng limoni dhe lëreni mënjanë për 10 minuta. Në një tas të madh, përzieni këtë përzirejen e parë, shtoni ujin e ngrohtë, majan dhe sheqerin, pastaj mbulojeni me një peshqir të pastër kuzhine dhe lëreni për 5 minuta që maja të aktivizohet.

Shtoni gjalpën, vezën, kripën, pluhurin e hudhrës dhe afërsisht 120gr miell. Përziejini përbërësit me një lugë druri me shtimin gradual të pjesës tjetër të miellit. Përziejini për rreth 2 deri në 3 minuta derisa përbërësit të bashkohen. Transferojeni brumin në një sipërfaqe të lyer me miell dhe gatuajeni për 2 minuta.

Transferoni në një tigan të lyer me vaj, kthejeni nja dy herë në vaj nga të gjitha anët dhe mbulojeni me një peshqir kuzhine ose mbështjellës plastik dhe lëreni në një vend të ngrohtë për rreth 60 minuta ose derisa të dyfishohet.

Transferojeni brumin në një sipërfaqe të lyer me miell dhe rrokulliseni në formë drejtkëndëshe me përmasa 23 x 38 cm. Spërkateni me djathë, duke lënë 2 cm nga skajet bosh për t’i bërë ato të ngjiten më mirë, pastaj rrokulliset në një bukë.

Përdorni një thikë të mprehtë për të prerë bukën për së gjati, dhe pastaj ndërthurini ato fort. Bashkojini mirë dhe ngjitni skajet e brumit në mënyrë që të mos ndahen dhe transferohen në kallëpin e përgatitur. Mbulojeni me një peshqir kuzhine dhe lëreni për 30 minuta në një vend të ngrohtë.

Ngrohni furrën në 175 gradë.

Në një tas të vogël, përzieni gjalpin e shkrirë, majdanozin dhe pluhurin e hudhrës dhe lyejeni brumin me të.

Vendoseni në furrë për 45 deri në 55 minuta, dhe nëse vëreni që brumi fillon të marrë ngjyrë para kohe, mbulojeni me letër alumini.

Pas pjekjes lëreni bukën të pushojë për nja 10 minuta dhe më pas pritni në feta dhe shërbejeni./arbresh.info/